Hernia Diskale Lumbare – Trajtim Natyral në Treka Fizio

Hernia diskale lumbare është një nga shkaqet më të zakonshme të dhimbjes së mesit. Ajo ndodh kur një disk në pjesën e poshtme të shtyllës del nga vendi dhe shtyp një nerv. Kjo mund të shkaktojë dhimbje, mpirje, ose ndjesi shpimi që shtrihet në këmbë. Për fat të mirë, shumica e rasteve mund të përmirësohen përmes fizioterapisë – pa ndërhyrje kirurgjikale.

Si e dallon që ke hernie diskale në mes?

Nuk është gjithmonë e lehtë ta kuptosh, por simptomat më të shpeshta përfshijnë:

Dhimbje mesi që rrezaton në ije ose këmbë
Mpirje ose ndjesi shpimi në njëra këmbë
Dobësi në këmbë, sidomos kur ecën ose përkulesh
Vështirësi për t’u ulur, qëndruar gjatë apo ngritur peshë

Çfarë e shkakton?

Shpesh lidhet me qëndrimin e gabuar, aktivitet fizik të pakontrolluar, ose thjesht degjenerim me kalimin e moshës. Mund të ndodhë edhe nga ngritja e një peshe në mënyrë të papërshtatshme.

Si ndihmon fizioterapia?

Qëllimi i terapisë është të ulë presionin mbi disqet dhe të rivendosë lëvizshmërinë pa dhimbje. Në Treka Fizio, Dr. Klejda Tani krijon një plan specifik për çdo pacient, i cili përfshin:

Teknika McKenzie për reduktimin e shtypjes mbi nervat
Fizioterapi manuale për qetësimin e muskujve të tensionuar
Ushtrime për qëndrimin dhe stabilitetin
DNS – rikthimi i kontrollit neuromuskular

3 ushtrime të dobishme për hernie lumbare

1. Extension prone (shtrirë përmbys)

Shtrihuni barkas, bëni shtytje me duar (si “cobra stretch”) duke mbajtur legenin në dysheme. Mbajeni për 5 sekonda. Përsëriteni 10 herë.

2. Pozicioni i pushimit me këmbë të ngritura

Shtrihuni me këmbët mbi një karrige. Mbani për 5–10 minuta. Lehtëson presionin në diskut lumbal.

3. Ushtrimi i frymëmarrjes abdominale

Ndihmon në relaksimin e muskujve të thellë dhe ul stresin. Merrni frymë thellë në bark, pa ngritur kraharorin.

Kur është koha për të kërkuar ndihmë?

Nëse dhimbja nuk largohet pas disa ditësh pushimi, ose nëse ndjesitë në këmbë përkeqësohen, mos prit më gjatë. Sa më herët të fillojë fizioterapia, aq më i shpejtë dhe i qëndrueshëm është rikuperimi.

Rezervoni një vlerësim në Treka Fizio

📍 Rruga Nikolla Jorga, Tiranë
📞 +355 68 94 60 692
📧 [email protected]
🌐 www.treka.al

Referenca të jashtme

Etiketat (Tags)

hernia diskale lumbare, dhimbje mesi, Treka Fizio, Dr. Klejda Tani, fizioterapia për shpinë, McKenzie, DNS, trajtim pa kirurgji