Çfarë do të mësoni gjatë trajnimit për Skoliozën

Ky trajnim për skoliozën kombinon teori dhe praktikë. Përqendrohemi te metoda me provë klinike që përdoren në fizioterapi:

• Skolioza: përkufizimi, klasifikimi, llojet dhe problematikat e devijimit struktural.
• Metoda Schroth: parimet dhe aplikimi praktik në skoliozë.
• Koncepti Spiraldynamik: parimet dhe aplikimi praktik.
• Dynamic Neuromuscular Stabilization (DNS): parimet dhe aplikimi praktik në trajtimin e skoliozës.

Programi i Trajnimit

Programi i trajnimit ka në qendër mënyrat e ekzaminimit të skoliozës, duke përfshirë vlerësimin objektiv, ekzaminimin radiografik dhe interpretimin e rezultateve për identifikimin e deformimeve të shtyllës kurrizore.

Në kuadër të tij trajtohen gjithashtu teoritë dhe qasjet ndërkombëtare më të njohura për menaxhimin e skoliozës, si metodat Schroth, Spiraldynamik dhe Dynamic Neuromuscular Stabilization (DNS). Pjesëmarrësit do të njihen me karakteristikat e skoliozës torakale, lumbare, torako-lumbare dhe cerviko-torakale, si dhe me mënyrat praktike të punës për secilin tipar të saj.

Programi synon të theksojë rëndësinë e ushtrimeve specifike posturale dhe të frymëmarrjes si pjesë e procesit të korrigjimit, duke ofruar një kombinim të njohurive teorike dhe demonstrimeve praktike që ndihmojnë në përmirësimin e qëndrimit, lëvizshmërisë dhe funksionalitetit të pacientëve me skoliozë.

Pse të zgjidhni këtë trajnim?

Ky trajnim ofron qasje praktike dhe të përditësuar në trajtimin fizioterapeutik të skoliozës. Përfshin metodat ndërkombëtare: Schroth, Spiraldynamik dhe DNS. Teknikat janë të aplikueshme menjëherë në praktikën klinike.

Target: fizioterapistë, studentë të rehabilitimit, specialistë të shëndetit që duan të avancojnë në trajtimin e skoliozës.